Rudel Pfau

Das Rudel Pfau ist die Mädchen-Gruppe in Hettlingen. Sie besteht aus Kindern vom 2. Kindergarten bis etwa in der 5. Klasse.

Gruppenfoto

 

Gruppenruf

Ligi ligi lau
Gaste gaste rau
Midi midi mau
Mir sind d'Gruppe Pfau!

Leiterinnen

Kepaia (Anna-Kathrin Maier) [Bitte schalten Sie Javascript ein, um die E-mail-Adressen zu sehen.]

Siit 2007 bini bi de Pfadi Dunant debii und siit 2015 Leiterin bi de Gruppe Pfau. Im Summer 2018 schlüss ich mit de Matur 12 Jahr Schuel ab und froi mi uf es interessants Zwüschejahr. Näbem Job wird ich Ziit ha für vieli gmüetlichi Abige mit Kollege, go Rollerblade z'gah, chli as Klavier z'sitze und natürlich au für en Huufe Pfadisache... wie zum Biispiel s'Vorbereite vom Jamboree 2019.
Das wird en riese Gspass, halt ebbe so wie jedi Samstignamittagsaktivität... ;)
Mis Bescht!

Mirilli (Linda Zsindely) [Bitte schalten Sie Javascript ein, um die E-mail-Adressen zu sehen.]

Ich bin 18ni und scho sit 11 Jahr ide Pfadi Dunant mit debi.
Bide Pfaue leiti jez denn bald scho es Jahr und es macht mer umega Froid :-) Jede Samstig d Chind z gseh, zeme z lache, umetobe und drü Stunde chöne dusse verbringe macht mer immer e gueti Luune. Ussertdem isches en supper Usglich zu mim Schuelalltag, ich stan jez nämli churz vor de Matur und han au dementsprechend vill zum lerne. Defür freui mich umso me uf d Ziit nach em Gymi woni hoffentli derf go reise.
I minere Freizit tueni nebed de Pfadi au no ide Grätriege leite sowie au selber turne, ich bin im Turnverein, undernimm u gern Sache mit mine Kollege, spill chli Gitarre, lis es guets Buech oder gan chli id Natur use. Uf es witers lässigs Pfadijahr freui mi jez scho!
Mis Bescht!

Nuvola (Charlotte Haag) [Bitte schalten Sie Javascript ein, um die E-mail-Adressen zu sehen.]

Ich bin 16ni und sit de 2.Klass ide Pfadi. Leite tuen ich bi de Pfaue sit em Summer 2017.
I dem Summer han i au mini Lehr als Kauffrau i de Branche Handel aahgfange.
I minere Freiziit tuen ich Gige spiele, viel lese und zeichne. Im Winter gangi amels au go snowboarde.
Ich freu mich uf vieli lustigi Samstignamitäg mit eu.

Mis Bescht
Nuvola

Aponi (Alina Schmalz) [Bitte schalten Sie Javascript ein, um die E-mail-Adressen zu sehen.]

Ich bin d Aponi, 16ni und gah momentan id Kanti Rycheberg. Mit 7ni bin ich id Pfadi cho und im Summer 2017 han ich bi de Gruppe Rudolf Brun agfange leite. Sit em Herbst 2017 bin ich jetzt bi de Pfaue aktiv mit debi. Nebed de Pfadi spiel ich au no Klavier, tuen riite, bin im Winter ide Berge am Snowboarde oder denn verbringi au gern mal en gmüetliche Abig mit mine Fründe :)
Ich freue mich uf wiiteri lustigi Erläbnis mit eu!
Mis Bescht, Aponi

Merci (Nadine Kiser) [Bitte schalten Sie Javascript ein, um die E-mail-Adressen zu sehen.]

Fotos