Wabenleiterinnen

Pfadi isch für mich öpis sehr wichtigs drum gnüss ichs au immerno chöne debie z sie. Sit 5 Jahr leit ich d Wabe Pfau und froi mich, das ich mit mine Mitleiterinne immer wieder neui und kreativi Üebige därf mache. Wenn ich nid id schuel gange, mach ich öpis für d Pfadi oder tanze modern Jazz.
Mis bescht

Hoi zäme.
Ich gang wie d Cece und d Cisny id Kantonsschuel Büelrain in Winterthur und bin momentan im 2tä Jahr det.
Wänn ich grad nöd ide Schuel bin triff ich mich gern mit Kollege, gang im Winter gern go boarde oder mach öpis für d Pfadi.
Sit em Jahr 2005 bin ich aktiv ide Pfadi und sit em Winter 2010 leit ich bide Pfaue und froi mich uf vieli wieteri Jahr. =)

Ich bin d' Cara Schneider, i dä Pfadi Cisny.Geburtstag han i am 03.04.1996. Im Moment mach ich d'Kantonsschuäl Büelrain i Winterthur, weli ich wahrschinli im Summer 2014 abschlüssä werdi. I minerä Freiziit spill ich Gitarre, gang go Skifahrä oder triff mich mit Fründä. I dä Pfadi bin ich siit 2006 und leitä siit em Herbscht 2011 d' wabe Pfau.

Sit em Summer 2011 leit ich i de Wabe Pfau. Dank mine Mitleiterinne lehr ich immer wieder neui und interessanti Sache.
Momentan bin ich i de 3. Sek und fange im Summer 2012 s KV ah.
Zum am Alltag e Abwechslig z geh, gang ich id Pfadi und id Dameriege.
Ich froi mich uf viel interessanti und intensivi Pfadijahr.
Mis bescht